Klaus Wildbolz

Dr Klaus Wildbolz (* 25. Augschte 1937 z Wien, Eschtrych; † 5. Jänner 2017 ebedert) isch e Schwyzer Schauspiiler gsii.

Lääbe

Dr Klaus Wildbolz isch us eme alte Gschlächt vu dr Stadt Bärn chuu. Sy Großvater isch dr Eduard Wildbolz gsii, wu as Bärner Platzkommandant im Landesstreik 1918 bekannt woren isch. Em Wildbolz sy Vater isch z Wien Fabrikdiräktet gsii. Är isch zäme mit sym Zwillingsbrueder Jost, wu hit as renommierte Fotograf in dr Schwyz läbt, z Eschtrych un in dr Schwyz ufgwachse. Voreb er z Wien Musik un darstellendi Chunscht am Max-Reinhardt-Seminar studiert het, het er e wirtschaftligi Uusbildig im dr Militerdienscht in dr Schwyzer Armee gmacht. Är het Ufdritt ghaa am Stadttheater Lozärn, z Stuegert, z Düsseldorf un z Berlin. Au bi dr Salzburger Feschtspiil isch er uf dr Bihni gstande. Noch eme Engaschmänt am Theater in dr Josefstadt z Wien vu 1963 bis 1970 het en e braiter Publikum ab dr 1970er Johr dur d Moderation vum ARD-Färnsehquiz Schnickschnack gchännt.

Dr Wildbolz het e Hufe Färnsehseriehauptrolle wie in Schlosshotel Orth, Ringstraßenpalais, Hotel Paradies un Der Bergdoktor ghaa. Derzue het er Gaschtrolle in Krimiserie wie Der Kommissar, Der Alte, Derrick un anderi ghaa. Anne 1996 het er as Ermittler in dr Tatort-Folg Mein ist die Rache unter dr Reschy vum Houchang Allahyari, mit em Fritz Karl un dr Andrea Händler gspiilt.

E großi Lyydeschaft vu dr Brieder Wildbolz sin Oldtimerränne gsii, wu si vylmol mitgmacht hän.

Dr Klaus Wildbolz isch ab 1986 in dritter Eh ghyrote gsii. Sy Frau Barbara, en ehmoligi Reschyyassischtänti, isch 2008 im Alter vu 63 Johr an Chräbs gstorbe, Chinder hän si kaini ghaa. Sy erschti Frau isch d Theaterschauspiileri Christiane Pauli gsii, sy zwoot Frau Gisela isch e Bankaagstellti gsii.

Am 5. Jänner 2017 isch dr Wildbolz noch ere churze Chranket z Wien gstorbe.

Filmografy

1965: Alle machen Musik (Färnsehserie)
1968: Das Kriminalmuseum – Das Goldstück
1971: Der Kommissar – Als die Blumen Trauer trugen
1971: Die tollen Tanten schlagen zu
1973: Wienerinnen
1974: Schnickschnack (Quiz-Serie, Moderator)
1975: Vollmacht zum Mord
1976: Johann und Anna
1977: Die Kette (zwee Dail)
1977: Tatort – Tatort: Der vergessene Mord
1979: Derrick – Die Versuchung
1979: Tanz ins Glück
1980: Polizeiinspektion 1 – Die Abwerbung
1980: Derrick – Unstillbarer Hunger
1980: Menschenfrauen
1980: Ringstraßenpalais (Färnsehserie)
1982: Sonderdezernat K1 – Tödlicher Ladenschluss
1983: SOKO 5113 – Schneetreiben
1983: Tiefe Wasser (zwee Dail)
1983: Das Traumschiff – Puerto Rico
1986: SOKO 5113 – Finderlohn
1987: Der Alte – Der Stichtag
1988: Die Männer vom K3 – Spiel über zwei Banden
1988: SOKO 5113 – Eine unvergeßliche Nacht
1988: Die Schwarzwaldklinik
1990: Hotel Paradies (Färnsehserie)
1991: Tödlicher Stoff
1991: Zweite Geige
1992: Chéri, mein Mann kommt!
1992: Mission der Liebe (sechs Dail)
1993: Clara (Meedailer)
1993: Der Bergdoktor (Färnsehserie)
1993: Die Botschafterin (Färnsehserie)
1994: Drei zum Verlieben (Färnsehserie)
1995: Ein Bayer auf Rügen (Färnsehserie) - Blinde Rache
1995: Rosamunde Pilcher – Wolken am Horizont
1996–2000: Schlosshotel Orth (Färnsehserie)
1996: Ein flotter Dreier (Färnsehserie)
1996: Tatort – Mein ist die Rache
1997: Ein unvergessliches Wochenende... am Tegernsee
2001: Das Schneeparadies
2004: Rosamunde Pilcher – Liebe im Spiel
2004: Das Traumschiff – Sri Lanka
2007: Rosamunde Pilcher – Sommer der Liebe
2007–2010: Unsere Farm in Irland (Färnsehserie, acht Dail)
2008: Das Traumhotel – Karibik
2009: Rosamunde Pilcher – Herzenssehnsucht
2010: Sonntagsvierer (Färnsehfilm)
2011: Emilie Richards – Der Zauber von Neuseeland
2014: Schweizer Helden

Literatur

Mats Staub: Klaus Wildbolz. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 12105–2106.

Weblink

Commons: Klaus Wildbolz – Sammlig vo Multimediadateie

Klaus Wildbolz in dr Internet Movie Database
Iidrag über Klaus Wildbolz in: Austria-Forum, em öschteriichische Wissensnetz – online (uf AEIOU)

Schauspieler Klaus Wildbolz mit 79 Jahren verstorben, NZZ, 5. Januar 2017
„Ich lebe von der Rente meiner toten Frau“, Interview mit em Klaus Wildbolz, Ganze Woche, Uusgab Nr. 36/2015 vum 01.09.2015

Dä Artikel basiert uff ere fräie Übersetzig vu dere Version vum Artikel „Klaus_Wildbolz“ vu de dütsche Wikipedia. E Liste vu de Autore un Versione isch do z finde.